يا كثر ما اسمعها و لا أعرف مقاييسها ..
وش اللي يحدد ثقافة البني آدم؟ و مين اللي يحددها؟
ما أبي أطول بـ الفلسفه، هذا ايميل جاني :
ّ(اضغط على الصورة لتكبيرها)
نص الايميل المرفق مع الصورة يقول:
“إذا استطعت معرفة 50 وجهاً بالاسم .. فـ أنت مثقف جداً
إذا استطعت معرفة 40 وجهاً .. فـ أنت مثقف بشكل جيد
إذا استطعت معرفة 30 .. فـ أنت مثقف لا بأس بك
إذا عرفت 20 وجهاً .. فـ أنت تحتاج إلى الاطلاع
أما إذا لم تعرف إلا 10 فقط .. فـ أنت جاهل فعلاً …”
مافي شك ان الرسمه أكثر من رائعه! ابداع ماله حدود …
لكن هل مقياس الثقافة بمعرفة الوجيه و معرفة المشاهير؟
هل اللي يعرف مارادونا، و بروسلي، و نور الشريف، و ام كلثوم و صدام حسين ووووو … من مختلف المجالات مثقف؟
أنا بالنسبة لي، أشوف ان العرب “ماشاء علينا” نعرف في الرياضة، و السياسة، و الاقتصاد، والشريعة، والفن، والتكنولجيا و و و … لكن ما نتخصص في مجال واحد فقط، و نقول عن أنفسنا مثقفين!
أنا اقول هذا الكلام بناءا على تجربة، نفس المجلس يتكلم عن كل المجالات، وكل النقاش عن علم عميق !!
لكن ارجع اقول هل هذي هي الثقافة المطلوبة؟ و الا المفروض التركيز على مجال واحد فقط؟
هالمره موضوعي جدااااا فلسفة، لكن كالعادة في هذا المكان، رش رش شخابيطه خرابيط …
بنظري الثقافه مالها حدود ولا مقاييس ولا معايير
بس السؤال هل انت تفضل انك تعرف كل صغيره وكبيره تتعلق بمجال واحد او تعرف كل كبيره باكثر من مجال ? هنا تقدر تعرف انه الشخص يبي يتثقف
معنى الثقافه بنظري هو معرفتك بمعلومات ما تنفعك بمجالك او حياتك واستنتتج من هالجمله انه الشخص يستغل وقت فراغه صح .. يقرا او يتابع شي يجذبه بدل التبطح
بس السؤال الي دايم يصير عليه طقاق .. انت مثقف كرويا او لا ??
عمري ٢٧ سنه .. متاكد انه مجموع ١٠ سنين راحت كوره بين لعب سوني اشوف دوريات ونقاشات ونحضر بالملعب .. ثلاث ارباع وقتي بالنت يروح في مواقع كوره .. الحين اكتب واشوف لاتسيو والفيولا على اني اصنفها مباراه ابو كلب بس وددي لاتسيو (الغريم) يهبط
فااا بعد كل ذا يجيك واحد يقول مين اللاعب الي لعب في الدوري الايطالي والانجليزي والاسباني والانجليزي والهولندي باقل من عشر سنين ? وتخونك معلوماتك ولا تجاوب ويقولك ماتفهم كوره شكلك من جيل يا ربااااه وتشتري طقم برشلونه الزهري ..
الزبده انه مافيه معيار ولامقياس للثقافه ..
طيب هل صح اننا نصير مثقفين في مجالات كثيره !؟
يا أخي الكل صار يفتي في السياسة، الاقتصاد، الدين و حتى الرياضة، والسبب … على باله مثقف ..
أنا مع المثل اللي يقول “أعط الخبز خبازه …” التخصص هو أساس النجاح …
أما انت من قوم يا رباااااااااهـ … هههههههه كثر منها
اجل بالله عليك ماتعرف اللاعب اللي لعب في الدوريات اللي قلتها في اقل من عشر سنين؟ ياخي أنت جاهل ،،،
ههههههه
تسلم على المداخلة ….
You have to read Power of Focusing