طبعا الكل يعرف الفيلمين …
الفيلم الأول:
Titanic (انتج عام 1997) واللي حقق الرقم القياسي في الدخل (عن طريق تذاكر البيع في السينما فقط) وهو:
1.8 مليار دولار (600.8 ميلون دولار من الولايات المتحدة الأمريكية “ما أحب اسميها امريكا لان كندا و المكسيك و كوستاريكا … الخ كلها أمريكا”)
و استمر عرضه لمدة 41 أسبوع
(تكلفة الفيلم 200 ميلون دولار)
والفيلم الثاني
Avatar (انتج عام 2009) و إلى يوم كتابتي لهذي الشخبوطة، الدخل عن طريق شباك التذاكر هو :
2.2 مليار دولار! (633 مليون دولار من الولايات المتحدة الأمريكية)
وهذا ماله إلا 54 يوم عرض (7.7 أسابيع) … يعني مستمر والله أعلم كم بيدخل
(تكلفة الفيلم 500 ميلون دولار)
لكن
أنا ما كتبت شخبوطتي على أساس أعطي أخبار، لكن هذا شي ما دخل مخي !!
كيف فيلم في 6 أسابيع قدر يدخل أكثر من فيلم “اسطوري” استمر أكثر من 40 أسبوع ؟!
بمناقشتي مع بعض الشباب، قلت عام 97 ميلادي التذاكر كانت ارخص، فمن الطبيعي ان مع مرور الوقت الافلام تدخل أكثر و السبب يرجع لتضخم أسعار التذاكر
ومثل دايم، الحمدلله اللي الله سهل المعلومة في الانترنت …
بعد التحري و البحث … لقيت معلومه حلت مشكلتي ،،، لكنها تخص أمريكا بس!
عام 97م كان معدل التذاكر 4.59 دولار
وفي يومنا هذا معدل التذاكر 7.61 دولار
يعني لو بنحسب، لو Titanic سعر تذكرته مثل تذاكر Avatar كان صار دخل Titanic :
970 مليون دولار بدل 600.8 مليون دولار …
يعني أكثر من Avatar بـ 337 مليون دولار (يعني 50٪ زيادة)
باختصار صحيح ان Avatar دخل اكثر، لكن هذا ما يعني انه أكثر مشاهده!
تحليل رائع ..
والعجيب في الموضوع أن لا هذا ولا ذاك في قائمة أكثر الأفلام بيعاً للتذاكر
(بعد تعديل للتضخم)
http://boxofficemojo.com/alltime/adjusted.htm
كلامك صحيح يا فيصل
والمصيبة إن Gone with the wind دخله في العالم أكثر من دخله في امريكا !! يعني دخله حول 3 مليار دولار
حلوة الملاحظة
بس عشان تكتمل المقارنة بين الفلمين خلونا ننتظر كم اسبوع بعد
لأن تايتانك اخذ 41 اسبوع..وافاتار كان بالاسبوع السابع وقت كتابة الموضوع وعمل الاحصائية
كبييييييير يا خوي
دايم تقفط وتحلل
لللللللله درررك يا شيخ